У Еўрапейскае ўпраўленне па барацьбе з махлярствам (OLAF) накіраваны афіцыйны зварот з просьбай ініцыяваць расследаванне і правесці комплексны фінансавы аўдыт размеркавання еўрапейскай дапамогі. У дакуменце ўказваецца на магчымыя факты махлярства, мэтавага невыкарыстання і прысваення больш як €200 мільёнаў, выдзеленых Еўрасаюзам з 2020 года на падтрымку дэмакратычных ініцыятыў і грамадзянскай супольнасці Беларусі праз сетку арганізацый, зарэгістраваных у Літве і іншых краінах.
У OLAF накіравана просьба праверыць эфектыўнасць выкарыстання сродкаў, а таксама магчымыя канфлікты інтарэсаў і факты стварэння «фірм-аднадзёнак», якія ліквідаваліся адразу пасля асваення грантаў. На аснове даных Цэнтра рэестраў Літвы за 2020–2025 гады да дакумента быў прыкладзены пералік 35 асноўных атрымальнікаў сродкаў, якія сумарна атрымалі больш за 100 млн еўра.
Копіі гэтага звароту былі таксама накіраваны прэзідэнту Літвы Гітанасу Наўседзе, вярхоўнаму прадстаўніку ЕС Каі Калас, еўракамісару Марце Кос і членам Еўрапейскага парламента.